Креативност

Иновативност

Оригиналност

Имагинација

 

Биди новинар за „Медиум“

Испрати ни го твојот текст на medium@medium.edu.mk и ние ќе го објавиме :)

Испрати

Иницијативи

Деветгодишниот Јане Велковски од Скопје, кој боледува од ретката болест спинална мускулна атрофија (СМА), е главна ѕвезда во спотот на УЕФА за кампањата „Еднаквост на терен“. Откако во август, за време на Суперкупот на „Филип Втори“, луѓето од УЕФА ги запознаа Јане и неговата љубов кон фудбалот, го поканија да биде дел од нивната кампања за еднаквост на фудбалскиот терен.

Јане излегува на терен со младинските репрезентативци на Македонија и Швајцарија на фудбалскиот терен во комплексот на ФФМ во Ново Лисиче. (Фото: Фејсбук)

Во најновата кампања на УЕФА, чија цел е да придонесе фудбалскиот терен да биде достапен за секого, покрај спотови со фудбалски ѕвезди, направен е и спот со Јане. Тој во видеозаписот зборува за неговата љубов кон фудбалот и раскажува дека и покрај болеста и тоа што не може да оди, секој ден со другарчињата игра фудбал на игралиштето во скопската населба Хром, каде што живее.

„Фудбалот ми значи сè. Кога играм фудбал, заборавам на сè. Кога гледам фудбал сум најсреќен. Јас не можам да одам, така сум роден, имам спинална мускулна атрофија. Сега сум голман, бранам во мојата електромоторна количка, можам да го водам тимот, да бидам капитен. Цела моја фамилија го сака фудбалот“, вели во видеото Јане, каде што е прикажан како игра фудбал и им дели совети на другарите од неговиот тим како да дадат гол.

„Нешто јас што не можам да правам ми помагаат мајка ми, татко ми и брат ми. Тие ми даваат поддршка да го добијам лекот и да бидам фудбалер како Роналдо.“, вели Јане во спотот-Јане со мајка му Деница на снимањато на видео записот на УЕФА (Фото:Фејсбук)

Јане преку видеото испраќа порака дека секој треба да може да игра фудбал, без разлика дали е болен или има други пречки.

„Нешто што јас не можам да направам, ми помагаат мајка ми, татко ми и брат ми. Тие ми даваат поддршка да го добијам лекот и да бидам фудбалер како Роналдо. Сите на светот можат да играат фудбал, не е важно какви се, како играат фудбал, важно е дека треба да бидат еднакви и да се почитуваат“, вели на крајот на видеото Јане.

Родителите на Јане од дијагностицирањето на болеста водат борба да му овозможат максимално квалитетен и исполнет живот, нешто што во нашата земја е многу тешко.

Пред две години, Фондот за здравство му одобри операција на Јане на Kлиника во Париз за корекција на сколиозата која е очекувана последица од СМА. Со примена на нов метод во рбетниот столб на Јане му се поставени импланти.

На секои шест месеци Јане оди во клиниката за да му ги продолжуваат имплантите кои треба да го следат неговиот раст. Сега, родителите на Јане водат нова борба за тој и неколкуте други деца кај нас кои боледуваат од оваа болест, државата да им го обезбеди лекот „спинраза“, кој е прескап за да може да си го дозволи едно семејство.

КОГА ЌЕ ПРООДАМ ЌЕ БИДАМ ФУДБАЛЕР, ВЕЛИ 9-ГОДИШНИОТ ЈАНЕ, КОЈ ЧЕКА ЛЕК ЗА НЕГОВАТА РЕТКА БОЛЕСТ
А. АНТЕВСКА

Оваа статија се продуцира со помош на грант доделен преку проектот „Коалиција за медиумска писменост“, што го спроведува Високата школа за новинарство и за односи со јавноста во соработка со Институтот за различности во медиумите од Лондон и весникот „Нова Македонија“ со финансиска поддршка од Европската Унија. Содржините во оваа статија се одговорност единствено на Сакам да кажам и истите нужно не ги одразуваат ставовите на Европската Унија.

Линк до оригиналната објава

Оваа веб-страница е изработена со помош на Европската Унија во рамките на проектот Коалиција за медиумска писменост. За објавените содржини е одговорна Високата школа за новинарство и за односи со јавноста и истите нужно не ги одразуваат ставовите на Европската Унија.

Адреса

ULICA
ул. Јуриј Гагарин 17-1/1
GRAD
1000, Скопје
WEB
Република Македонија

Контакт

БРОЈ
02 / 3090 004
МЕЈЛ
medium@medium.edu.mk