Во Скопје годинава првпат се отвори новогодишна населба „Винтерленд“ на чие отворање светна новогодишната елка на плоштадот „Македонија“.
Осветлувањето на елката беше пропратено со настап на средношколски хор составен од 120 ученици од девет средни училишта на Град Скопје. Учениците околу половина час ќе изведуваат Божиќни песни.
Тие пристигнаа на плоштадот придружувани од членовите на Градскиот дувачки оркестар кој, пак, изведе парадно концертирање од Старата железничка станица, па по улицата Македонија, се до плоштадот „Македонија“.
Учениците кои беа дел од хорот се средношколци од: „Никола Карев“, „Раде Јовчевски Корчагин“, „Јосип Броз Тито“, „Орце Николов“, „Кочо Рацин“, „Васил Антевски Дрен“, „Владо Тасевски“, „Зеф Љуш Марку“ и „Панче Караѓозов“.
