Креативност

Иновативност

Оригиналност

Имагинација

 

Биди новинар за „Медиум“

Испрати ни го твојот текст на medium@medium.edu.mk и ние ќе го објавиме :)

Испрати

Низ ходниците

gjorgi-dimitrov-ucenСредношколци од скопското училиште „Георги Димитров“ се претставија со свој штанд на еден од најатрактивните научни саеми во регионот „Наук није баук“ што се одржа во Ниш, Србија.

Средношколци од прилепското училиште „Орде Чопела“ учествуваа на обуки за земјоделско претприемништво во Португалија, Грција и Холандија кои треба да ги поттикнат иницијативата и претприемништвото на учениците и да ги подобрат нивните можности за вработување и кариера.

ku-proekt-sredСредношколци од кумановското училиште „Перо Наков“ посетија маркетинг агенција во Гранада, Шпанија како дел од проектот за имплементација на практична настава во образовниот процес преку соработка со бизнис секторот и примената на информациско-комуникациските алатки.

mladi-petpriemaci-ambasadori1На училишен терен ја развиваат сопствената компанија и претприемничкиот дух, а преку меѓународни проекти за претприемништво успешно ги претставуваат и училиштето и државата. Тоа се средношколците од скопската гимназија „Раде Јовчевски Корчагин“ кои го следат предметот Иновации и претприемништво. Наставата која им овозможува практична примена на претходно здобиените знаења и вештини ги оспособува корчагинци уште како тинејџери да ги осознаат основите и функциите на бизнисот и да се подготват за нивното идно факултетско образование и кариера.

site-polinja1Економијата и правото се навистина интересени области за изучување. Ќе се уверите во тоа особено ако дојдете во скопското економско-правно училиште „Арсени Јовков“. А, можеби и дополнително ќе се заинтересирате за „Арсени Јовков“, ако дознаете за фактот дека ова е првото стручно и единствено училиште во Македонија што учествува во меѓународен проект за претставување на креативноста на учениците преку размена со ученици во странство и работа во интернационални тимови. Проектот насловен како Маркетинг иницијатива на ученици за професионална орентација и прогрес (МИСПОП) го раководи професорот Зоран Златковски.

zlo-ne-misliПовторно да се родам не би била ништо друго туку професор, ќе каже за себе професорката по музичко Силвана Гелевска. Веќе 25 години за неа училницата со пијано во скопската гимназија „Јосип Броз Тито“ е најубавото место на светот. Тука се учи јазикот на музиката, тука се рушат стереотипите, тука учениците се дружат и се забавуваат. Благодарение на енергијата која ја добива од младите луѓе, професорката Гелевска е секогаш ведра и насмеана.

zameaАнтониа Гиговска е четиринаесет годишна девојка од Скопје и е основка во скопското училиште „Стив Наумов“ во Автокоманда. За да се уверите во тоа што ќе ви го раскажам, ви препорачувам веднаш да го пребарате името на оваа девојка на Јутјуб. Антониа има огромен потенцијал за да стане врвна пејачка, а најинтересното е тоа што откако таа реши да го покаже талентот со неколку настапи, за неполна една година доби бројни признанија и награди на фестивали и натпревари.

genialen-um1-Човекот, како живо битие, живее за да ги оствари своите соништа и да го достигне врвот на своите квалитети. Токму тоа го правам јас, го живеам својот сон. Ова се зборови на средношколецот Кристијан Нелковски, ученик во прва година во скопската гимназија ,,Никола Карев".

sergej-sarcevskiKраткиот филм „Украдена насмевка“ на 15-годишниот Сергеј Сарчевски е номиниран во официјалната селекција на меѓународниот филмски фестивал „Детско око“ кој оваа недела се одржува во Будимпешта, Унгарија.

naptrevarГрадот Скопје годинава првпат го реализира проектот за поддршка на натпревари по повеќе наставни предмети кои традиционално се спроведуваат од акредитирани здруженија за организација на натпревари во средните училишта.

1-medОбединети во уметности и занаети беше темата којашто вклучи млади луѓе од Македонија, Романија, Хрватска и Естонија на младинската размена што се одржа во април во романскиот град Черашу.

Исток Чаповски, матурантот во Меѓународното училиште НОВА е добитник на првата награда, видео-камера на средношколскиот конкурс „Изрази се преку медиумите“. Наградата ја освои со едноминутниот видео клип „Марионета“ инспириран од влијанието на медиумите врз најмладите. Второнаградениот средношколец Сергеј Сарчевски од скопската гимназија „Орце Николов“ доби таблет за видеото „Пародија на македонска домаќинка“, а ученикот Ѓорѓи Десподов од прилепската гимназија „Мирче Ацев“ од Прилеп доби фотоапарат за изработен постер.

ipmВисоката школа за новинарство и за односи со јавноста в четврток, 23 април 2015 г. од 10.30 - 12 часот во ЕУ Инфоцентар во Скопје ќе ги промовира наградените средношколци кои се пријавија на конкурсот „Изрази се преку медиумите“.

sportski-tereni2Тоа беа времиња кога имав повеќе слободно време, се дружевме со соучениците.  Договоравме термини, се собиравме, игравме, се забавувавме и смеевме, но истовремено и се натпреварувавме и учевме да бидеме тимски играчи. Бидејќи сме од мало гратче во училиште секој со секого се познаваше, но на тренинзите имав можност подобро да се запознаам и со оние со кои во училишните ходници и не бев толку блиска.

1-13Се што ќе произведеме во нашиот пластеник го продаваме и потоа тие пари се вложуваат во училиштето. Фармата, пак, им е од голема помош на учениците кои таму ја извршуваат својата пракса. Има каде да работат и да научат повеќе. Вака Симона Гоцева, средношколка од училиштето „Кочо Рацин“ од Свети Николе опишува колку им се од помош училишната фарма и пластеникот.

Оваа веб-страница е изработена со помош на Европската Унија во рамките на проектот Коалиција за медиумска писменост. За објавените содржини е одговорна Високата школа за новинарство и за односи со јавноста и истите нужно не ги одразуваат ставовите на Европската Унија.

Адреса

ULICA
ул. Јуриј Гагарин 17-1/1
GRAD
1000, Скопје
WEB
Република Македонија

Контакт

БРОЈ
02 / 3090 004
МЕЈЛ
medium@medium.edu.mk