Вработени во медиумите кои се членови на Коалицијата за медиумска писменост се обучуваа како стратешки да ја планираат дигиталната комуникација со публиката. 

Обуката за стратегиски дигитални комуникации беше четвртата од вкупно пет обуки наменети за граѓанските организации и нивните медиуми парнери, што ги реализираат Високата школа во партнерство со Институтот за различности во медиумите (ИРМ) од Лондон.

Веб-администраторите и лицата одговорни за социјалните мрежи на осумте медиуми-партнери практикуваа нови, креативни начини за онлајн пренесување на информативните содржини. Учесниците работеа на оптимизација на пребарувачи и социјални мрежи, онлајн адаптација на содржини од традиционалните медиуми, употреба на маркетиншки алатки, верификација на вести и извори, онлајн комуникација со публика и сл.

Предавачи беа Даница Даша Илиќ од ИРМ од Лондон и Дарко Булдиоски од NewMedia.mk од Скопје.

Во мај ќе се одржи последната работилница на која ќе учествуваат претставници и од медиумите и од граѓанските организации со цел детално планирање на иницијативите за промоција на медиумската писменост, кои впрочем се дел од Коалицијата.

Повеќе фотографии од настанот

За проектот

Високата школа за новинарство и за односи со јавноста во партнерство со Институтот за различности во медиумите од Лондон и со дневниот весник „Нова Македонија“ во периодот 2016-2018 г. ќе го реализира проектот „Медиумска писменост во ера на наплив на информации: Македонска коалиција за медиумска и информациска писменост“.

Повеќе

За весникот „Медиум“

„Медиум“, весникот на сите средношколци е плоштадот на слободата на младите луѓе. Средношколец си и сакаш да пишуваш во весник. Стани дел од редакцијата на првиот средношколски весник кој излегува еднаш месечно во „Нова Македонија“.

Повеќе

Адреса

ул. „Јуриј Гагарин“, бр. 17/1-1, Скопје тел. 02 / 30 90 004

www.medium.edu.mk; www.vs.edu.mk; 
medium@medium.edu.mk;