Со осуда за нападите врз новинарите во законодавниот дом, се одбележа светскиот ден на слободата на медиумите. На дебатата што на 3 мај ја организираше Делегацијата на Европската Унија во земјава, евроамбасадорот Самуел Жбогар побара сторителите да бидат изведени пред правдата. Тој, исто како и неговата колешка Нина Суомалаинен, амбасадорка на ОБСЕ истакнаа дека слободата на медиумите е неопходна за здрава демократија и дека се потребни итни реформи во овој сектор.

„Само свесна публика може да ги осуди медиумите кои лажат, манипулираат и работат во име на политички или други центри на моќ“ - рече Александра Теменугова во своето излагање посветено на значењето на медиумската писменост.

Таа истакна дека само активна и свесна публика може да создаде условинепрофесионалните медиуми да бидат маргинализирани и без влијание во јавната сфера и дека медиумската писменост е есенцијална за Република Македонија, бидејќи сите ние сме сведоци на штетата што континуирано со години наназад ја прават со години во централните вести и другите информативни програми.

На настаноту учествуваа претставници на Агенцијата за аудио и аудиовизуелни услуги, Македонскиот институт за медиуми, Центарот на граѓански комуникации, Здружението на новинарите на Македонија Синдикатот на новинари и медиумски работници и претставници на медиумите.

За проектот

Високата школа за новинарство и за односи со јавноста во партнерство со Институтот за различности во медиумите од Лондон и со дневниот весник „Нова Македонија“ во периодот 2016-2018 г. ќе го реализира проектот „Медиумска писменост во ера на наплив на информации: Македонска коалиција за медиумска и информациска писменост“.

Повеќе

За весникот „Медиум“

„Медиум“, весникот на сите средношколци е плоштадот на слободата на младите луѓе. Средношколец си и сакаш да пишуваш во весник. Стани дел од редакцијата на првиот средношколски весник кој излегува еднаш месечно во „Нова Македонија“.

Повеќе

 
Адреса
ул. „Јуриј Гагарин“, бр. 17/1-1, Скопје тел. 02 / 30 90 004